U internecie dziaŭčaty raspačali fłešmob suprać bodzipazityvu, ale niešta pajšło nie tak… FOTY
Madel Kaciaryna Śpivak pad chešteham #iasupraćbodzipazityvu2018 zapuściła ŭ instahramie fłešmob.
Kaciaryna zaklikaje «rabić fatahrafii z chešteham #iasupraćbodzipazityvu2018, dzie vy pakazvajecie svaje vydatnyja dahledžanyja ruki i nohi! Niachaj ludzi pierachodziać pa im i bačać roznych pryhožych dziaŭčat! Davajcie pakažam, jak treba siabie lubić i prymać pravilna! Jak heta zaviedziena ŭ dziaŭčat. Žančyna, jakaja pavažaje siabie i navakolle, nikoli nie dazvolić sabie vyhladać nieachajna, niepryhoža. Jana zaŭsiody budzie zastavacca karalevaj pry lubych abstavinach. Nu, i narešcie, lubaja dziaŭčyna ŭ budučyni stanie maci, a značyć, i etałonam dla svaich dziaciej. Dla chłopčykaŭ mama, jakaja ŭvieś čas sočyć za saboj, budzie źjaŭlacca etałonam pry vybary žonki, nu a dziaŭčynkam prosta pakazvać prykład. Pry pravilnym vychavańni maleńkija pryncesy ź dziacinstva pryvykajuć da pryjemnych pracedur pa dohladzie siabie».
Spačatku inicyjatyvu Kaciaryny padtrymali, ale praź niekalki dzion pad jaje chešteham pačali źjaŭlacca pasty z zusim inšym, supraćlehłym, sensam. Z tłumačeńniami, čamu bodzipazityŭ na samaj spravie važny ruch, z adekvatnym apisańniem zadač zdarovaha fieminizmu i asabistymi historyjami prymańnia siabie i svajho cieła ad dziaŭčat z SND.
Drukujem tolki niekatoryja ź ich.