Zatrymali abaroncu Kurapat režysiora Alaksieja Turoviča
Režyser Alaksiej Turovič (źleva pierad mašynaj) i inšyja pratestoŭcy nie prapuskajuć aŭtamabil ŭ restaracyju «Pojediem, pojedim».
12 červienia paśla akcyi abaroncaŭ Kurapataŭ suprać adkryćcia restaracyi «Pojediem, pojedim» milicyjanty zatrymali režysera Alaksieja Turoviča. Pra heta karespandentu Svabody paviedamiŭ adzin ź lideraŭ BCHD Pavał Sieviaryniec.
Alaksieja Turoviča zatrymali paśla zaviaršeńnia akcyi na vulicy Karbyšava, zaciahnuli ŭ milicejskuju mašynu i pavieźli ŭ pastarunak. Pry hetym supracoŭniki milicyi nie patłumačyli pryčynu zatrymańnia.
Alaksiej Turovič — aŭtar filmu «Žoŭty piasočak», adzin z aktyŭnych abaroncaŭ Kurapataŭ.