U Homieli pažyły mužčyna vypiŭ, pasvaryŭsia z dačkoj i ŭnučkaj dy skončyŭ žyćcio samahubstvam
Trahiedyja adbyłasia 5 červienia, kala 16:30 u Homieli. Mužčynu znajšli pad voknami šmatpaviarchovika jaho susiedzi i vyklikali chutkuju dapamohu. Paciarpieły atrymaŭ nie sumiaščalnyja z žyćciom traŭmy, paviedamlaje «Biełka».
Fota: Silnyje novosti.
Piensijanier 1947 hoda naradžeńnia vypaŭ z akna kvatery na siomym paviersie. U momant trahiedyi ŭ kvatery znachodzilisia dačka i ŭnučka. Pavodle papiaredniaj infarmacyi, napiaredadni jany pasvarylisia ź dziadulem z-za taho, što toj znoŭ vypiŭ, i skazali jamu syści ŭ svoj pakoj.
Susiedzi acharaktaryzavali niabožčyka jak cichaha čałavieka, jaki časam złoŭžyvaŭ śpirtnym.
Śledčy kamitet pa fakcie hibieli pravodzić pravierku. Pryznačana sudova-miedycynskaja ekśpiertyza.