Alina Tałaj pieramahła ŭ spabornictvach z rekordam Biełarusi, dy i prabiehła tak, jak nie biehali jeŭrapiejki z 1992 hoda
U aŭstryjskim Sent-Pieltenie prachodzili mižnarodnyja spabornictvy Liese Prokop Memorial. Biełaruska Alina Tałaj stała pieršaj na dystancyi 100 mietraŭ z barjerami i ŭstalavała rekord krainy z vynikam 12,41 siekundy.
Papiaredni nacyjanalny rekord na hetaj dystancyi byŭ roŭny 12,63 i byŭ ustalavany Alinaj u finale čempijanatu śvietu ŭ Piekinie ŭ 2015 hodzie, dzie naša lohkaatletka zavajavała bronzavy miedal.
U sacsietkach Alina padzialiłasia emocyjami:
— Tolki što daviedałasia, što jeŭrapiejki nie biehali nastolki chutka z 1992 hoda! O majn had! Pavinna pryznać, što ja vielmi ščaślivaja i hanarusia hetym vynikam, asabliva paśla majho rašeńnie treniravacca samastojna. Ale ciapier ja viedaju, što ja na pravilnym šlachu i spadziajusia, što zmahu jašče lepš. Vialiki dziakuj usim maim siabram i blizkim mnie ludziam, jakija padtrymlivali mianie apošnija miesiacy.