The Financial Times: Rasieja na šlachu da defołtu
Hazeta The Financial Times ličyć, što ŭ Rasiei mohuć adbycca padziei, jakija nahadvajuć kryzis 1998 hodu.
Hazeta The Financial Times ličyć, što ŭ Rasiei mohuć adbycca padziei, jakija nahadvajuć kryzis 1998 hodu. «Paraŭnańni z 1998 hodam usio čaściej uźnikajuć u razmovach z rasiejskimi miljarderami», — adznačaje hazeta. Kali na pačatku kryzisu Rasieja ličyła, što hramadnyja zołatavalutnyja rezervy i dachody ad resursavaha sektaru dazvolać joj biazboleva pieražyć ekanamičnyja prablemy, to ciapier stanovišča rezka mianiajecca ŭ horšy bok.
Da kryzisu pryviali pryčny, padobnyja da zachodnich: rezkaje panižeńnie koštu papieraŭ vyklikała spynieńnie kredytavańnia. Na zachadzie rolu załohu hrali ipatečnyja papiery, a ŭ Rasiei — akcyi dziaržaŭnych kampanijaŭ. Paśla rezkaha padzieńnia rasiejskaha fondavaha rynku imkliva ŭpaŭ i košt zastavaŭ. Svaju admoŭnuju rolu adyhrała i poŭnaja zaležnaść rasiejskaj ekanomiki ad zamiežnych kredytaŭ. Hazeta taksama adznačaje treci fundamentalny faktar kryzisu ŭ Rasiei — padzieńnie cenaŭ na resursnyja tavary.
Hazeta taksama analizuje sytuacyju ź inflacyjaj i strymana nehatyŭna aceńvaje miery, ździejśnienyja rasiejskimi ŭładami dla padtrymańnia ekanomiki.