U žyłym dvary ŭ Minsku znajšli minu
U Minsku padčas avaryjna-adnaŭlenčych rabot u dvary šmatpaviarchoŭki znajšli minu časoŭ Vialikaj Ajčynnaj vajny, piša BiełTA.
Sihnał ab vyjaŭleńni pa vulicy Kazinca, 39 pradmieta, padobnaha na minu, pastupiŭ sapioram ad MNS siońnia dniom. Na miesca vyjazdžała sapiorna-piratechničnaja hrupa uzryvatechničnaha centra ŭnutranych vojskaŭ. Było ŭstanoŭlena, što heta 50-milimietrovaja minamiotnaja mina časoŭ vajny. Zaraz jana ŭžo źniščana. Sapiory taksama abśledavali bližejšuju terytoryju, inšych niebiaśpiečnych znachodak nie znojdziena.
Minamiotnuju minu vyjavili enierhietyki filijała «Minskija kabielnyja sietki» padčas avaryjna-adnaŭlenčych rabot na trasie kabielnych linij. Znachodku znajšli prykładna na mietrovaj hłybini ŭ dvary žyłoha doma.