«Razam da spravy»: abviaščajecca konkurs prajektnych idej
Hramadskaja kulturnickaja kampanija «Budźma biełarusami!» i Škoła maładych mieniedžaraŭ publičnaha administravańnia SYMPA ŭ miežach prahramy «Razam da spravy» abviaščajuć konkurs prajektnych idej pa ŭsioj Biełarusi.
Da ŭdziełu ŭ konkursie zaprašajucca ŭsie, chto zajmajecca palapšeńniem hramadska-kulturnickaj i sacyjalnaj prastory ŭ svaim nasielenym punkcie abo rehijonie i spryjaje pahłybleńniu supracoŭnictva roznych supolnaściaŭ.
Kali ŭ vas jość realistyčnaja, raspracavanaja ideja, jakaja:
- jadnaje aktyŭnych žycharoŭ dla vyrašeńnia hramadska važnych pytańniaŭ miascovaha raźvićcia;
- spryjaje mižsiektarnamu supracoŭnictvu na karyść raźvićcia miascovych i/ci rehijanalnych supolnaściaŭ i dapamahaje naładzić kantakty roznym hrupam pamiž saboj;
- umacoŭvaje hramadzianskuju identyčnaść, u tym liku praz pašyreńnie viedaŭ pra našu historyju i kulturu, pra rodny horad abo rehijon;
- spryjaje abaronie i prasoŭvańniu pravoŭ i intaresaŭ pry sumiesnaj dziejnaści;
- pavialičvaje patencyjał hramadskich aktyvistaŭ;
dasyłajcie zajaŭku na skryniu razam@budzma.org z paznakaj «Na konkurs idej».
Chto moža ŭziać udzieł:
— lubyja niepalityčnyja inicyjatyvy i arhanizacyi hramadzianskaj supolnaści;
— dziaržaŭnyja ŭstanovy i kamiercyjnyja arhanizacyi;
— fizičnyja asoby, kreatyŭnyja kamandy.
Zajaŭka musić utrymlivać:
— imiony i proźviščy aŭtaraŭ/inicyjataraŭ prajekta, kantakty;
— nazvu, metu i sutnaść prajekta (da 700 słovaŭ);
— metavyja aŭdytoryi (na kaho skiravanyja vyniki prajekta);
— aktualnaść/unikalnaść idei;
— jakim čynam budzie naładžanaje mižsiektarnaje supracoŭnictva;
— kali i dzie ideja musić realizavacca;
— jakija resursy vy ŭžo majecie i jakija — šukajecie (kamanda, partniory, biudžet).
Techničnyja patrabavańni:
— Zajaŭka musić być dasłanaja ŭ farmacie Word;
— Biudžetnaja častka pavinnaja ŭtrymlivać artykuły vydatkaŭ i sumaŭ, jakija jość i jakija nieabchodnyja.
— Realizacyja prajektnaj idei musić być ździejśnienaja ŭ pieryjad ad 1 červienia da 31 kastryčnika 2018 h.
Usie dasłanyja prapanovy buduć razhledžanyja ekśpiertnaj radaj.
Dla idejaŭ-pieramožcaŭ kampanija «Budźma biełarusami!» dapamoža znajści partnioraŭ, kab idei byli realizavanyja.
Važna: ekśpiertnaja rada budzie aceńvać nie tolki jakaść raspracoŭki prajektnaj idei, jaje hramadskuju značnaść i ŭciahnutaść roznych hrupaŭ u jaje realizacyju, ale i suraźmiernaść zapłanavanych mierapryjemstvaŭ ź ich zatratnaj častkaj.
Pryjom idej: da 20 maja 2018 h. uklučna praz skryniu razam@budzma.org z paznakaj «Na konkurs idej».
Vyniki konkursu buduć abvieščanyja 30 maja 2018 h. na sajcie budzma.by.
Majecie pytańni? Pišycie nam na elektronnuju poštu!