Praź miesiac paśla śmierci muža pamierła maci Michaiła Žyźnieŭskaha — Hieroja Ukrainy, što zahinuŭ na Majdanie
Nina Žyźnieŭskaja, maci Hieroja Ukrainy Michasia Žyźnieŭskaha, pamierła ŭ špitali invalidaŭ vajny na 61-m hodzie žyćcia, paviedamiła Svabodzie jejnaja dačka Natalla. Napiaredadni Ninu Vasiljeŭnu advieźli ŭ špital na «chutkaj» — žančynie stała błaha, była vysokaja temperatura.
Heta adbyłosia mienš jak praź miesiac paśla taho, jak pachavali jejnaha muža, 73-hadovaha Michaiła Žyźnieŭskaha. Michaił Piatrovič raptoŭna pamior 8 krasavika, pachavany pobač z synam u vioscy Ściah Pracy, što pad Homielem.