Rasijski sienatar paraiŭ hramadzianam zamianić amierykanskija leki na «askarbinku i marhancovačku»
Siabra Savieta Fiederacyi ad Kurhanskaj vobłaści Siarhiej Lisoŭski nazvaŭ «askarbinku i marhancovačku» vydatnymi anałahami zachodnich miedykamientaŭ. Tak jon prakamientavaŭ mahčymuju zabaronu na impart u Rasiju vyrablenych u ZŠA i Jeŭropie preparataŭ, paviedamlaje Znak.com.
Pa słovach Lisoŭskaha, telebačańnie admysłova stvaraje anturaž vakoł darahich impartnych lekaŭ, i doŭhi čas z hetym ničoha nie rabili z-za vykanańnia ŭmoŭ adkrytaści rynku.
«Rasijan śpiecyjalna pravakujuć kuplać darahija lekavyja preparaty dla taho, kab prybrać narmalnyja leki, jakija vydatna pracavali jak u časy Savieckaha Sajuza, tak i ŭ časy carskaj Rasii»,
— adznačyŭ sienatar.
Nahadajem, raniej deputat Dziarždumy Piotr Tałstoj paraiŭ chvorym hipiertanijaj «sploŭvać» zamiežnyja leki i lačycca advaram hłohu ci kary duba.