Izrail pryhraziŭ źniščyć rasijskija kompleksy S-300 u Siryi
Ministr abarony Izraila Avihdor Libierman papiaredziŭ, što kali Siryja budzie vykarystoŭvać suprać izrailskich samalotaŭ rasijskija systemy SPA, to apošnija buduć źniščanyja, paviedamlaje Ynetnews.
«Dla nas važna, što abarončaja zbroja, jakuju rasijanie pieradajuć siryjcam, nie budzie vykarystana suprać nas… Kali jany buduć vykarystoŭvać jaho suprać nas, my budziem dziejničać suprać ich», — zajaviŭ ministr.
Libierman dadaŭ, što pavinna być vyklučna jasna: kali chtości budzie atakavać izrailskija samaloty, jon budzie źniščany.
Raniej rasijskaje vydańnie Kommiersant sa spasyłkaj na krynicy paviedamiła, što Rasija maje namier u najbližejšy čas raźmiaścić u Siryi svaje ZRK S-300.