U Minskim rajonie začepier złamaŭ nahu, skoknuŭšy ź ciahnika
23 krasavika kala 20 hadzin dziažurnaja pa stancyi Kałodziščy zaŭvažyła dvaich chłopcaŭ na chvastavym vahonie tavarniaka Minsk — Orša. Pra heta žančyna paviedamiła mašynistu i patelefanavała ŭ milicyju.
— Kali sastaŭ pačaŭ tarmazić, začepiery saskočyli ź jaho. U vyniku 19-hadovy minčanin surjozna traŭmavaŭsia. U balnicy ŭ jaho dyjahnastavali pierałomy ściahna i ščykałatki, vialikuju hiematomu i rvanuju ranu stupni. Ciapier vyśviatlajecca, jakim čynam chłopiec atrymaŭ hetyja paškodžańni — patrapiŭšy pad ciahnik abo pry padzieńni na ziamlu, — raspavioŭ namieśnik načalnika ŭpraŭleńnia arhanizacyi zabieśpiačeńnia hramadskaj biaśpieki na abjektach transpartu MUS Hienadź Vorsa.
Milicyja znajšła i druhoha začepiera — 20-hadovaha minčuka, jaki zmoh uciačy ź miesca zdareńnia. Na jaho składzieny administracyjny pratakoł pa č.1 art.18.4 KoAP Biełarusi («Parušeńnie praviłaŭ karystańnia srodkami čyhunačnaha transpartu»), što praduhledžvaje štraf da 3 bazavych vieličyń.
Pa słovach Hienadzia Vorsa, paśla vypiski ź lakarni da administracyjnaj adkaznaści budzie pryciahnuty i paciarpieły chłopiec.