U Minsku projdzie biaspłatnaja «Noč dehustacyi sieryjałaŭ»
U multypleksie velcom cinema 11 maja ŭpieršyniu projdzie biaspłatny pakaz papularnych sieryjałaŭ. Hledačam taksama prapanujuć tematyčnyja zakuski i biaspłatnyja napoi, nastolnyja hulni, navukovaje šou i viktaryny na viedańnie sieryjałaŭ. Arhanizataram kinamarafona vystupić ličbavaje telebačańnie VOKA.
Repiertuar pakul nie raskryvajuć, ale viadoma, što na vialikija ekrany patrapiać 7 sučasnych amierykanskich sieryjałaŭ. Farmat «dehustacyi» miarkuje prahlad pa adnym epizodzie kožnaha ź ich.
Na «Noč dehustacyj sieryjałaŭ» možna trapić tolki pa papiaredniaj rehistracyi. Pakinuć zajaŭku na ŭdzieł možna da 3 maja ŭklučna. Na nastupny dzień vypadkovym čynam budzie razyhrana 500 zaprašalnych.
«Noč dehustacyi sieryjałaŭ» u kinateatry velcom cinema pačniecca 11 maja a 21:00 i praciahniecca da samaj ranicy. Apošni pakaz pavinien zaviaršycca bližej da pačatku raboty staličnaha mietro (05:30), kab možna było svabodna dabracca dadomu.