Biaspłatnaja sietka Free Wi-Fi Minsk źjaviłasia ŭ biełaruskaj stalicy
Biaspłatnaja sietka Free Wi-Fi Minsk stała dastupnaj u Minsku z 19 krasavika. Skarystacca joju mohuć jak žychary horada, tak i jaho hości, u tym liku zamiežniki. Pad nazvaj Free Wi-Fi Minsk abjadnany bolš za 100 hramadskich punktaŭ dostupu, ustalavanych kampanijaj «Dziełavaja sietka».
«Raniej skarystacca biaspłatnym dostupam da Internetu možna było, padklučyŭšysia da sietki Wi-Fi.BN.BY. Heta testavaja nazva, jakaja była nie samaj zrazumiełaj, asabliva dla zamiežnikaŭ. My vyvučyli dośvied jeŭrapiejskich stalic i vyrašyli abjadnać usie našy punkty biaspłatnaha Wi-Fi u adzinuju sietki pad nazvaj Free Wi-Fi Minsk», — rastłumačyŭ hienieralny dyrektar TAA «Dziełavaja sietka» Pavieł Alaksiejenka.
Na dadzieny momant u sietku ŭvachodzić 115 abjektaŭ dostupu da hramadskaha Wi-Fi. Sietkaj Free Wi-Fi Minsk možna skarystacca ŭ mnohich bujnych handlovych centrach, dziasiatkach kafe, aŭtazapravačnych stancyjach A-100 AZS, u šerahu balnic, haścinic, adździaleńniaŭ bankaŭ. Dla padłučeńnia nieabchodna ŭvieści svoj numar mabilnaha i atrymać na jaho parol. Nastupnyja aŭtaryzacyi ŭ sietcy budzie prachodzić u karystalnika aŭtamatyčna. Paśla padłučeńnia da sietki internetam možna karystacca biaspłatna nieabmiežavanuju kolkaściu času, patłumačyli ŭ kampanii.
«Dziełavaja sietka» płanuje raźvivać i pašyrać sietku Free Wi-Fi Minsk, dadajučy ŭ jaje novyja punkty dostupu. Tak, užo ŭ 2018 hodzie hramadski Wi-Fi źjavicca na stancyjach mietro Kastryčnickaja i Kupałaŭskaja.