U Minsku ŭ mietro buduć ihrać Bacha
U hetuju subotu, 21 krasavika z 11:00 da 19:00 u Minsku ŭ čarhovy raz adbudziecca muzyčna-aśvietnickaja akcyja «Bach u mietro».
Prafiesijnyja muzyki — salisty viadučych kalektyvaŭ Biełdziaržfiłarmonii, Vialikaha teatra opiery i baleta, vykładčyki Biełaruskaj dziaržaŭnaj akademii muzyki — vykanajuć tvory znakamitych ajčynnych i zamiežnych kampazitaraŭ u viestybiulach stancyj mietrapalitena.
U hetym hodzie prahrama mierapryjemstva achopić usie asnoŭnyja epochi jeŭrapiejskaj muzyčnaj kultury: reniesans, baroka, kłasicyzm, ramantyzm, muzyku XX i XXI stahodździaŭ.
Zasnavalnik prajekta — Asacyjacyja maładych biełaruskich kampazitaraŭ HA «Biełaruski sajuz muzyčnych dziejačaŭ». Mierapryjemstva prachodzić pry padtrymcy i sadziejničańni zasnavalnika internet-partała TUT.BY Juryja Zisiera, Minharvykankama, DP «Minski mietrapaliten», muzyčnaha prajekta «Piešachodka».