U naviednikaŭ «Zimovaj višni» na evakuacyju było tolki piać chvilin
Reuters.com
Naviedvalniki kiemieraŭskaha handlovaha centra «Zimovaja višnia», jakija znachodzilisia na čaćviortym paviersie budynka, mahli vyjści samastojna tolki ciaham pieršych piaci chvilin paśla pačatku pažaru. Pra heta TASS raspavioŭ hałoŭny dziaržaŭny inśpiektar pa pažarnym nahladzie MNS Rasii Rynat Jenikiejeŭ.
«Papiarednija raźliki pakazali, što ŭ naviedvalnikaŭ čaćviortaha pavierchu dla samastojnaj evakuacyi pry niepracujučych sistemach supraćpažarnaj abarony było ŭsiaho piać chvilin i čatyry siekundy», — udakładniŭ jon. Mienavita za hety čas uvieś čaćviorty pavierch zapoŭniŭsia dymam, vyśvietlili ekśpierty MNS u chodzie madelavańnia situacyi.
Pavodle vysnovaŭ ratavalnikaŭ, naviedvalniki kinateatra mahli pakinuć budynak, kali b tam pracavali sihnalizacyja, sistema apaviaščeńnia, dymavydaleńnia, aŭtamatyčnaha pažaratušeńnia i evakuacyjnyja vychady. «Tolki ŭ hetym vypadku ŭsie jany b spakojna vyjšli za dźvie chviliny 25 siekund, da taho jak usie vychady byli błakavanyja niebiaśpiečnymi faktarami pažaru», — dadaŭ surazmoŭca ahienctva.
Handlovy centr zahareŭsia dniom 25 sakavika. Zahinuli 41 dzicia i 23 darosłych. Asnoŭnaja viersija śledstva — niaspraŭnaść pravodki, u MNS nie vyklučyli padpał