Na minskich vulicach źjavilisia cikavyja lusterki, u jakich śviet bačycca pa-novamu FOTY
Lusterki-instalacyi stvoranyja, kab dać mahčymaść žycharam, jakija ŭvieś čas niekudy biahuć, spynicca i zirnuć na ŭsio pad inšym vuhłom. Nu ci prosta zrabić krutoje sełfi.
Heta prajekt kinafiestyvalu «Paŭnočnaje źziańnie» i Hutkasmachnaa studio. Jaho kancepcyja idealna kładziecca na słohan sioletniaha fiestyvalu — «Źmiani vuhał zroku».
Lusterkaŭ ahułam dziesiać, usie jany ŭ Minsku, u roznych miescach. Tamu nie zabyvajcie hladzieć pa bakach, kali budziecie śpiašacca na pracu, vučobu ci ŭ kino. Raptam jakoje trapicca i vam na vočy?
A prahramu kinafiestyvalu možna zirnuć tut. Jašče jość čas da jaho padrychtavacca, jon startuje 19 krasavika.