Domračava vyjhrała honku pieraśledu ŭ Chałmienkolenie!
Darja Domračava vyjhrała 18 sakavika honku pieraśledu na etapie Kubka śvietu pa bijatłonie ŭ narviežskim Chałmienkolenie z vynikam 30 chvilin 37,4 siekundy. U čaćvier biełaruska ŭ spryncie była druhoj.
Paśla treciaj stralby Darja była na dystancyi 4-j, u jaje było pa adnym promachu na pieršym i trecim rubiažach.
Lidziravała Francyska Chiłdebrand, ale niemka zarabiła na apošniaj stralbie dva štrafnyja koły, a Domračava i Anastasija Kuźmina adstralali čysta, i amal adnolkava pajšli na dystancyju.
Biełaruska chutka abahnała Kuźminu i pieršaha miesca ŭžo nie sastupiła. U vyniku ŭ słavački adstavańnie 9,2 siekundy.
Na etapach Kubka śvietu ŭ hetym hodzie ŭ Domračavaj — čaćviertaja pieramoha.
Paśla honki Darju pryvitaŭ karol Narviehii
Nadzieja Skardzina finišavała 12-j.
Na Kubku śvietu zastaŭsia apošni etap, što projdzie 22—25 sakavika ŭ Ciumieni.