Keci Pery pacałavała nieznajomaha chłopca, i ciapier jaje abvinavačvajuć u charasmencie
Incydent adbyŭsia na šou «American Idol». Adzin ź jaho ŭdzielnikaŭ 19-hadovy Bendžamin Hłejz z Akłachomy padčas svajho vystupu raspavioŭ žury, što ni razu ŭ žyćci nie całavaŭsia. Keci Pery, jakaja ŭvachodzić u skład žury šou, vyrašyła vypravić situacyju.
Mierkavałasia, što Bendžamin pacałuje Keci ŭ ščočku, ale jana vyviernułasia, i jany pacałavalisia ŭ vusny. Ad niečakanaści chłopiec navat pavaliŭsia.
Paśla hetaha ŚMI i hledačy pačali aktyŭna abmiarkoŭvać situacyju. Niekatoryja ŭbačyli ŭ pacałunku charasment, bo jon parušaje pryncyp zhody. Ludzi adznačajuć, što kali b na miescy Keci byŭ mužčyna, jamu b uvohule dastałosia za «hvałtoŭnaje» dziejańnie.
Sam Bendžamin u intervju ŚMI taksama pryznaŭsia, što nie chacieŭ, kab jaho pieršy pacałunak u žyćci byŭ voś takim, niekamfortnym i biez kachańnia.