Moody's palepšyła prahnoz pa suvierennym rejtynhu Biełarusi
Mižnarodnaje rejtynhavaje ahienctva Moody's palepšyła prahnoz pa suvierennym rejtynhu Biełarusi, zaćvierdziŭšy jaho na ŭzroŭni «B3» (raniej — «Caa1»), paviedamili BiełTA ŭ pres-słužbie Ministerstva finansaŭ Biełarusi. Pry hetym prahnoz paćvierdžany jak stabilny.
Pavyšeńnie rejtynhu krainy da ŭzroŭniu «B3» źviazana ŭ pieršuju čarhu z umacavańniem ekanomiki Biełarusi. Takoje źmianieńnie prahnozu adlustroŭvaje palapšeńnie pazicyi krainy pa źniešniaj likvidnaści, a taksama skaračeńnie deficytu rachunku biahučych apieracyj.
Ahienctva palepšyła prahnoz rejtynhu valutnaha doŭhu Biełarusi — z «Caa1» da «B3», stol rejtynhaŭ abaviazalnictvaŭ i depazitaŭ u nacyjanalnaj valucie ŭstanoŭleny na ŭzroŭni «B2» (było «B3»), stol rejtynhu depazitaŭ u zamiežnaj valucie — na ŭzroŭni «Caa1» (było «Caa2»).
Mižnarodnaje rejtynhavaje ahienctva Moody's zajmajecca prysvajeńniem kredytnych rejtynhaŭ, daśledavańniami i analizam ryzyk. Naroŭni sa Standard & Poor's i Fitch Ratings uvachodzić u «vialikuju trojku» mižnarodnych rejtynhavych ahienctvaŭ.