Biełarus chacieŭ vyratavać mabilny, ale zvaliŭsia ŭ kałodziež i pamior u špitali
Žychar vioski Malejkaŭščyzna Lidskaha rajona ranicaj pajšoŭ pa vadu da kałodzieža, piša sb.by.
«Kali mužčyna nachiliŭsia da viadra, u jaho z kišeni vypaŭ mabilny telefon. Viaskoviec staŭ spuskacca ŭ kałodziež, trymajučysia za mietaličny tros. Nie ŭtrymaŭšysia, sarvaŭsia ŭniz. Apynuŭšysia ŭ ledzianoj vadzie, jon pačaŭ hučna kryčać, klikać na dapamohu. Kryki pačuŭ susied i vyklikaŭ supracoŭnikaŭ MNS. Ratavalniki prybyli apieratyŭna i, abmataŭšy mužčynu trosam, vyciahnuli z kałodzieža hłybinioj 6 mietraŭ. Chutkaja dapamoha zabrała 59-hadovaha mužčynu ŭ reanimacyju», — raspaviała aficyjny pradstaŭnik UMNS pa Hrodzienskaj vobłaści Natalla Žyvaleŭskaja.
Praz hadzinu paciarpieły pamior u balnicy. Papiaredni dyjahnaz — mocnaje pieraachaładžeńnie arhanizma. Heta musić paćvierdzić ekśpiertyza. Pa fakcie hibieli čałavieka pravodzicca pravierka.