Minadukacyi vyznačyła minimalny paroh bałaŭ na CT. Dla vajskovych VNU jon najnižejšy
Heta vynikaje z adpaviednaj pastanovy Minadukacyi, apublikavanaj na Nacyjanalnym pravavym internet-partale.
Pa biełaruskaj i ruskaj movach niezdavalniajučymi buduć ličycca adznaki ad 0 da 9 bałaŭ uklučna, dla śpiecyjalnaściaŭ fiłałahičnaha profilu — ad 0 da 24.
Pa pieršym pradmiecie profilnaha ispytu «Matematyka», «Fizika», «Chimija», «Bijałohija» — adznaki ad 0 da 19 bałaŭ, pa pradmietach «Historyja Biełarusi», «Suśvietnaja historyja (najnoŭšy čas)», «Hramadaznaŭstva», «Hieahrafija» i zamiežnych movach — adznaki ad 0 da 24 bałaŭ.
Pa druhim pradmiecie profilnaha ispytu «Matematyka», «Fizika», «Chimija», «Bijałohija» — adznaki ad 0 da 9 bałaŭ (uklučna), «Historyja Biełarusi», «Suśvietnaja historyja», «Hieahrafija» i zamiežnych movach (anhlijskaja, niamieckaja, francuzskaja, ispanskaja, kitajskaja) — adznaki ad 0 da 14 bałaŭ.
Što tyčycca naboru ŭ VNU, jakija znachodziacca ŭ padparadkavańni Ministerstva abarony, Ministerstva pa nadzvyčajnych situacyjach i Dziaržaŭnaha pahraničnaha kamiteta, na vajskovyja fakultety VNU i šerah sielskahaspadarčych śpiecyjalnaściaŭ, to niezdavalniajučymi ličacca tolki adznaki ad 0 da 6 pa ŭsich pradmietach.