Pamior kuciurje Jubier de Žyvanšy
Va ŭzroście 91 hoda pamior stvaralnik adnaho z damoŭ vysokaj mody Jubier de Žyvanšy, paviedamiŭ jaho pamočnik.
Madeljer, siarod znakamitych klijentak jakoha byli pieršaja łedzi ZŠA Žaklin Kenedzi i aktrysa Odry Chiepbiern, pamior u subotu 10 sakavika.
«Mieśje de Žyvanšy pamior u śnie, — zajaviŭ jaho kampańjon, taksama madeljer Filip Vienie. — Jaho plamieńniki, plamieńnicy i jaho dzieci padzialajuć bol hetaj straty».
Modny dom Žyvanšy taksama paćvierdziŭ skon svajho zasnavalnika.
Ź pieršaha pakazu svaich madelaŭ ŭ 1952 hodzie da adstaŭki z pasady kiraŭnika modnaha doma ŭ 1995-m Jubier Tafen de Žyvanšy byŭ adnym z zakanadaŭcaŭ paryžskaj mody.
Samym viadomym uzoram jaho elehantnaha stylu była čornaja sukienka hieraini Odry Chiepbiern ŭ filmie «Śniadanak u Cifani».
Zasnavany im dom byŭ ŭ 1988 hodzie pradadzieny kampanii LVMH (Moët Hennessy - Louis Vuitton).