Chiba možna kaho pakryŭdzić dziaržaŭnaj symbolikaj?
Redaktar «Sportivnoj panoramy» Viktar Rabinin prakamentavaŭ zamienu koleraŭ ściahoŭ BATE ŭ rukach zaŭziataraŭ na matčy z «Juventusam» na čyrvona-zialonyja.
Hałoŭny redaktar «Sportivnoj panoramy» Viktar Rabinin prakamentavaŭ zamienu koleru ściahoŭ u rukach zaŭziataraŭ BATE na matčy z «Juventusam».
«My ličym, što ničoha nie parušyli. Ni z hledzišča zakonu, ni z hledzišča žurnalisckaj etyki. Toje, što niekatoryja paśpiašalisia nazvać fatazdymkam, nasamreč nazyvajecca fotakalažam.
Dziela čaho my heta zrabili?
My ličym, što ničyja našaha BATE z «Juventusam» — heta nia tolki dasiahnieńnie hetaha barysaŭskaha kluba, ale i dasiahnieńnie ŭsiaho biełaruskaha futbołu. I našaj spartovaj dziaržavy całkam. Kali chočacie — heta naš nacyjanalny honar! Ab hetym śviedčyć i nadpis pad fatakalažam: «Kłub BATE dostojno priedstavlajet stranu. My jemu rukopleŝiem!».
Jość rečy, jakimi pakryŭdzić nikoha nielha. Nielha ž pakryŭdzić luboŭju, vietlivaściu ci tym bolej dziaržaŭnaj symbolikaj».
Pra heta Viktar Rabinin zajaviŭ u kamentary «KP v Biełarusi»
Nahadajem, što ŭ piatnicu 3 kastryčnika «Sportivnaj panorama» vyjšła na pieršaj pałasie z materyjałam, pryśviečanym matu BATE — Juventus. Materyjał supravadžała ilustracyja, na jakoj ŭ zaŭziataraŭ BATE čyrvona‑zialonyja ściahi. Vyśvietliłasia, što nasampreč u ich byli ściahi FK BATE: žoŭta‑sinia‑žoŭtyja.
Fatakalaž Sportivnoj panoramy
Sapraŭdnaje fota z trybunaŭ.