Žychara Pieciarburha prysudzili da 25 sutak aryštu za demanstracyju humavaj kački
U Sankt-Pieciarburhu vyniesieny prysud Arciomu Hančarenku, abvinavačanamu ŭ paŭtornym parušeńni paradku praviadzieńnia akcyi, havorycca ŭ paviedamleńni abjadnanaj pres-słužby sudoŭ Sankt-Pieciarburha.
Jon asudžany na 25 sutak
Jak udakładniaje «Miedyazona», incydent z udziełam Hančarenki adbyŭsia 28 studzienia, kali prychilniki zasnavalnika FBK Alaksieja Navalnaha arhanizavali akcyi pratestu. Tady Hančarenka vystaviŭ u akno žoŭtuju nadzimanuju kačku. Z susiedniaha akna jaho znajomy vystaviŭ ściah moładzievaha ruchu «Viasna», u jakim znachodziacca maładyja ludzi. Palicejskija, jakija znachodzilisia na akcyi, skłali na ich pratakoł.
Žoŭtaja kačka jak simvał pratestu stała źjaŭlacca na akcyjach paśla rasśledavańnia FBK Alaksieja Navalnaha, pryśviečanaha majomaści premjera Dźmitryja Miadźviedzieva. U rasśledavańni, u liku inšaj nieruchomaści na ŭčastku, jakaja, jak śćviardžaŭ Navalny, znachodziłasia ŭ rasparadžeńni premjera, fihuravaŭ «domik dla kački» ŭ sažałcy.