Narviežski samalot z 84 santechnikami na borcie byŭ vymušany viarnucca ŭ aeraport praz pałomku prybiralniaŭ
Samalot avijakampanii Norwegian, jaki lacieŭ 27 studzienia z narviežskaha Osła ŭ niamiecki Miunchien, byŭ vymušany viarnucca ŭ aeraport Hardiermuen z-za prablemy z pracaj tualetaŭ, paviedamlaje The Nordic Page.
Na borcie samalota siarod inšych pasažyraŭ znachodzilisia 84 santechniki, jakija lacieli ŭ kamandziroŭku. Pa słovach dyrektara santechničnaj kampanii Rørkjøp Frenka Ołsena, jaje supracoŭniki byli b radyja adramantavać prybiralni, ale dla hetaha pryjšłosia b vybracca z samalota vonki.
«My nie ryzyknuli adpravić santechnika vonki na vyšyni 10 tys. mietraŭ. U samalocie tym nie mienš była dobraja atmaśfiera z-za iraničnaj situacyi sa złamanymi prybiralniami», — skazaŭ Ołsien.
Prybiralni ŭ vyniku naładzili santechniki z aeraporta Osła Hardermuen, paśla čaho samalot z užo spraŭnymi sanvuzłami znoŭ adpraviŭsia ŭ Miunchien.