Biełaruski brend vypuściŭ kalekcyju adzieńnia dla elity i chatnich chłopčykaŭ
jak vam?
Minski stryt-fešn brend ELPNK DZGN (Electropunk Design) pradstaviŭ novuju kalekcyju adzieńnia «Metal Underground 2018» dla ŭsich, chto ŭlubiony ŭ načnoje žyćcio i elektronnuju muzyku.
Brend viadomy tym, što robić adzieńnie dla elektronnych muzykaŭ nakštałt Pixelord ci Mustelide. Ale jość u ich rečy i dla paŭsiadzionnaha, nie sceničnaha vobrazu.
Naprykład, u novaj kalekcyi jość asobny błok z bazavym adzieńniem: škarpetki, džynsy, spartyŭnyja nahavicy, płaščy i bombiery. Pradstaŭlenaja taksama limitavanaja sieryja švedraŭ ručnoj viazki «Homeboys» i elitnyja rečy ź vialikaj kolkaściu skury i futra. «Nam chaciełasia raskryć brend z roznych bakoŭ», — tłumačać dyzajniery.