U rekłamie srodkaŭ dla vałasoŭ upieršyniu źniałasia madel u chidžabie
Na videa my bačym tolki tvar dziaŭčyny, choć jana rekłamuje balzamy, sprei i maski dla vałasoŭ.
Brytanskaja bjuci-błohierka Amiena Kchan i sama ździviłasia, kali kampanija «Łareal» prapanavała joj źniacca ŭ rekłamie. Ale madel pahadziłasia, bo miarkuje, što ŭ hetym jość važny mesedž.
«Časta ja pytajusia ŭ siabie: čamu hramadstva dumaje, što žančyny, jakija pakryvajuć hałavu, nie dahladajuć za svaimi vałasami? Vałasy — važnaja častka dohladu za saboj, — tłumačyć Amiena. — Dla mianie jany — praciah žanockaści. Mnie padabajecca rabić pryčoski, vykarystoŭvać roznyja srodki. Mnie padabajecca, kali maje vałasy pryjemna pachnuć. Jany taksama častka samavyjaŭleńnia».
Madel adznačaje, što choć i chavaje vałasy ŭ hramadskich miescach, bolšaść času jana ŭsio ž pravodzić doma, vakoł blizkich, biez chustki. Stan vałasoŭ dla jaje važny niezaležna ad taho, bačyć ich chtości ci nie.