Biełaruś zakryje hienkonsulstvy ŭ Adesie, Hdańsku i Miłanie
Pra heta zajaviŭ žurnalistam ministr zamiežnych spraŭ Uładzimir Makiej.
Pa słovach ministra, sioleta adbudziecca zakryćcio hienkonsulstva ŭ Adesie. Z hetaj nahody ŭžo pryniata adpaviednaja pastanova Saŭmina. Taksama buduć začynienyja hienkonsulstvy Biełarusi ŭ Hdańsku i Miłanie.
«My spynim pracu jašče dvuch našych zamiežnych ustanoŭ u niekatorych krainach. Zaraz rychtujucca adpaviednyja rašeńni», — skazaŭ kiraŭnik zamiežnapalityčnaha viedamstva.
Ź inšaha boku, prapracoŭvajecca adkryćcio novych ambasadaŭ u adnoj z krain Afryki i ŭ Jeŭropie. «Ale ŭsio heta za košt našych unutranych resursaŭ, a nie pavieličeńnia kolkaści dypłamatyčnaj słužby», - rastłumačyŭ Uładzimir Makiej.