U Polščy jašče bolš abmiežavali handal u niadzieli
Deputaty polskaha Sojma pryniali zakon pa zabaronie handlu ŭ niadzieli. U adpaviednaści ź im, ad 1 sakavika 2018 hoda ŭ kožnym miesiacy kramy buduć pracavać vyklučna ŭ dźvie niadzieli — u pieršuju i apošniuju niadzielu miesiaca, piša Polskaje radyjo.
Z 2019 hoda kramy buduć adčynienyja tolki ŭ adnu niadzielu ŭ miesiac, a z 1 studzienia 2020 hoda pačnie dziejničać sucelnaja zabarona na handal u niadzieli za vyklučeńniem siami admysłova vyznačanych niadziel u hod.
Pracavać pa niadzielach zmohuć kvietkavyja i kandytarskija kramy, piakarni j kafe-marožanyja pry ŭmovie, što ŭ pieravažnaj bolšaści jany buduć sapraŭdy pradavać kvietki, marožanaje, chlebabułačnyja i kandytarskija vyraby.
Zakon taksama praduhledžvaje štraf za parušeńnie zabarony, jaki budzie składać ad 1 tysiačy da 100 tysiač złotych (ad 240 da 24 tys. jeŭra), a ŭ vypadku pastajannych parušeńniaŭ zabarony — pazbaŭleńnie voli.
Ciapier Zakon pa zabaronie na handal u niadzieli čakaje podpisu prezidenta Dudy.