U Biełarusi inflacyja ŭpała da rekordna nizkaha ŭzroŭniu — 4,6% za hod
Fota Iryny Arachoŭskaj
Ceny na tavary i płatnyja pasłuhi ŭ 2017 hodzie vyraśli na 4,6% (źviestki za śniežań minułaha hoda da anałahičnaha pieryjadu 2016-ha), paviedamlaje Biełstat.
Bolš za ŭsio ŭ minułym hodzie padaraželi płatnyja pasłuhi — na 9,5% (u śniežni — na 0,5%). Charčovyja tavary stali za 2017 hod daražej na 4,2% (u śniežni — na 0,7%), a niecharčovyja — na 2%. Pry hetym na niecharčovyja tavary ŭ śniežni i zusim zafiksavali deflacyju, ceny ŭpali na 0,9%.
Heta rekordna nizki ŭzrovień inflacyi dla Biełarusi. Za 2016 hod ceny na tavary i płatnyja pasłuhi ŭ Biełarusi vyraśli na 10,6%, a ŭ 2015 hodzie — na 12%.