U Kiraŭskim rajonie zastreliŭsia piensijanier — u jaho byli mocnyja boli praz ankałohiju
4 studzienia na chutary ŭ Kiraŭskim rajonie (Mahiloŭskaj vobłaści) było znojdziena cieła mužčyny, 1948 hoda naradžeńnia. Pa źviestkach upraŭleńnia Dziaržaŭnaha kamiteta sudovych ekśpiertyz, miarkujecca, što mužčyna sam zrabiŭ streł u hałavu z-za mocnych bolaŭ — jon chvareŭ na ankałohiju.
Kančatkovaja pryčyna śmierci, najaŭnaść abo adsutnaść ałkaholu ŭ kryvi budzie ŭstanoŭlena paśla praviadzieńnia roznych ekśpiertyz.
Ź miesca zdareńnia, a taksama pa miescy žycharstva mužčyny kanfiskavanyja patrony roznaha kalibru, abrez niezarehistravanaj palaŭničaj strelby i pradmiety, padobnyja na pistalet, adznačajecca ŭ paviedamleńni DKSE.