Trenier chakiejnaha «Dynama» pakinuŭ kamandu dziela ŭdziełu ŭ amatarskim Kaladnym turniry
5 studzienia kamanda Alaksandra Łukašenki praviała druhi matč na Kaladnym chakiejnym turniry 2018. U dziažurnym paradku była adužanaja zbornaja Kitaja - 14: 9.
Pry hetym byŭ zafiksavany adzin charakterny fakt. Za kamandu Alaksandra Łukašenki hulaŭ Kanstancin Kalcoŭ, jaki ŭvachodzić u trenierski štab minskaha «Dynama». Hety kłub, jaki vystupaje ŭ Kantynientalnaj chakiejnaj lizie, 5 studzienia jakraz pravodziŭ čarhovy matč — u Jekaciarynburhu suprać miascovaha «Aŭtamabilista».
Na pieršy pohlad, pa łohicy Kalcoŭ u hety dzień pavinien byŭ znachodzicca na Urale, a nie ŭ Minsku. Adnak na samaj spravie hłyboka simvalična, što trenier «Dynama» pamiž hulnioj KCHŁ i pakatuškami na kaladnym turniry zrabiŭ vidavočny vybar na karyść apošniaha.