U Tel-Avivie ź dziciačaha kanstruktara pabudavali rekordnuju viežu ŭ honar chłopčyka, jaki pamior ad raku FOTAFAKT
U Tel-Avivie zrabili samuju vysokuju ŭ śviecie viežu ź dziciačaha kanstruktara. Pra heta piša Ynetnews. Vyšynia viežy Lego Tower składaje 36 m, heta paraŭnalna z 12-paviarchovym domam. Papiaredni rekord vyšyni viežy z kanstruktara Lego byŭ ustalavany ŭ 2015 hodzie: supracoŭniki italjanskaha padraździaleńnia kampanii Lego ŭźviali budynak vyšynioj 35 m na Suśvietnaj vystavie ŭ Miłanie.
Pabudovaj viežy ŭ Tel-Avivie zajmalisia žychary horada, 26 kamand źbirali viežu pa častkach, a zatym złučyli ich na płoščy Rabina. Aficyjnaja cyrymonija adkryćcia niezvyčajnaha abjekta prajšła jašče ŭ 2017 hodzie — 27 śniežnia. Arhanizavaŭšy padobnuju «budoŭlu», žychary Tel-Aviva chacieli ušanavać pamiać 8-hadovaha chłopčyka Amiera Sajaha (Omer Sayag). Chłopčyk zachaplaŭsia kanstruktaram, adnak pamior ad raku.