U Indyjskim akijanie vyratavali polskaha maraka, jaki drejfavaŭ 7 miesiacaŭ z katom na złamanaj jachcie
Niedaloka ad francuzskaha vostrava Rejuńjon u Indyjskim akijanie bierahavaja achova vyratavała 54-hadovaha polskaha maraka. Pavodle jahonych słovaŭ, jon kala 7 miesiacaŭ drejfavaŭ razam sa svaim katom na sapsavanaj nievialikaj jachcie pamiž vyspami Indanezii, Maldzivaŭ i Maŭrykija, paviedamlaje partał Interia.pl
Jak paviedamlaje radyjo FranceInfo, vyratavanaha mužčynu kličuć Źbihnieŭ Rekiet, i jon vypłyŭ u mora z Kamorskich vyspaŭ, jakija znachodziacca pamiž Madahaskaram i afrykanskim kantynientam, majučy namier dapłyć da Paŭdniovaj Afryki, dzie chacieŭ znajści pracu.
Źbihnieŭ Rekiet. Fota — AFP
Jachta, adnak, złamałasia, a jaje ŭłaśnik zhubiŭ pry hetym srodki suviazi i navihacyi. Adzinaj ježaju na borcie dla jaho i kata byŭ kitajski sup u pakiecikach. Zaraz marak źbirajecca samastojna adramantavać svaju jachtu, kab praciahvać svoj šlach.