Biaźvizavy režym źjavicca ŭ Breście, a ŭ Hrodnie budzie praciahnuty da 10 dzion
Fota Siarhieja Hudzilina
Biaźvizavy režym u Hrodnie i ŭ Breście budzie pradoŭžany da 10 dzion, paviedamiła BIEŁTA sa spasyłkaj na vice-premjera Anatola Kalinina.
— Ciapier na zaviaršalnaj stadyi ŭzhadnieńnia znachodzicca prajekt ukaza kiraŭnika dziaržavy, jaki tyčycca ŭstanaŭleńnia biaźvizavaha paradku ŭjezdu i vyjezdu zamiežnych hramadzian. Havorka idzie pra Brest i Hrodna, a taksama prylehłyja da ich terytoryjach, dzie biaźvizavy režym budzie pradoŭžany da 10 dzion, - skazaŭ vice-premjer.
Paśla hety termin taksama moža być pavialičany, dadaŭ jon. Pa słovach Anatola Kalinina, hetyja miery buduć sadziejničać pavieličeńniu patoku zamiežnych turystaŭ u Biełaruś.
Biaźvizavy režym u Hrodnie byŭ uviedzieny ŭ minułym kastryčniku. Zaraz zamiežniki mohuć bieź vizy pryjazdžać na terytoryju Aŭhustoŭskaha kanała i prylehłyja nasielenyja punkty Hrodzienskaha rajona i Hrodna. Ujechać u biaźvizavuju zonu turysty mohuć praz try kantrolna-prapusknyja punkty: z boku Polščy — «Lasnaja»/«Rudaŭka» i «Bruzhi»/«Kuźnica Biełastockaja», a z boku Litvy praz punkty propusku «Pryvałka»/«Šviandubre» i «Pryvałka»/«Rajhardas». Niadaŭna ŭ Hrodnie sustreli 50-tysiačnaha biaźvizavaha turysta.
U Bresckaj vobłaści biaźviz dziejničaje na biełaruska-polskim pierachodzie «Piareraŭ — Biełavieža». Turystam dastatkova mieć pry sabie pašpart i dakumient, jaki paćviardžaje prava zamiežnaha hramadzianina na naviedvańnie NP «Biełaviežskaja pušča» — znachodzicca na terytoryi Biełarusi jany mohuć 3 dni.
12 lutaha ŭ Biełarusi zapracavaŭ piacidzionny biaźvizavy režym dla hramadzian 80 krain. Skarystacca hetaj mahčymaściu mohuć tolki tyja, chto prylacić u aeraport Minsk na mižnarodnym rejsie. Pa biaźvizu ŭ Biełaruś u hetym hodzie prylacieli kala 80 tysiač turystaŭ.