Viartańnie husara: šlachieckija kaladnyja pryhody pad Vałožynam
6 i 13 studzienia ŭsie achvotnyja mohuć dałučycca da zajmalnaj animacyjnaj dziei.
Pan Michał Rakicki šmat pavandravaŭ pa zamiežžach, nahladzieŭsia ŭ Francyi, niamieckich ziemlach parkaŭ vydatnych. Navažyŭsia vysakarodny šlachcic i ŭ svaim falvarku stvaryć hetkuju ž pryhažość.
Nočy nie spaŭ, hadami nie dajadaŭ, a ŭsio vyvučaŭ «chaj tak» zamiežny. I prydumaŭ niaŭrymślivy šlachcic pastavić park z makietami zamkaŭ, kaściołaŭ, cerkvaŭ Vialikaha Kniastva Litoŭskaha na radaść dušy niastomnaj i dla karyści haspadarčaj budučym pakaleńniam.
Ale kali sprava stała blizicca da zaviaršeńnia, dobryja susiedzi vyrašyli, što treba Rakickamu dzialicca.
Pan Čaplinski ŭspomniŭ, što jašče ŭ kancy XVI stahodździa sastupiŭ ziamlu Rakickim, i zapatrabavaŭ jaje viarnuć. A pavažany Sałamon z susiednich Halšan usio bolš aktyŭna i nastojliva staŭ nahadvać pra viartańnie vyłučanaha kredytu.
Zusim zasmuciŭsia pan Rakicki, usio hłybiej staŭ hraznuć u sudovych pracesach. Zastałasia ŭ jaho nadzieja na adzinaha syna, jaki ŭ husarskim pałku zarablaŭ sabie słavu na palach bitvaŭ sa šviedami i turkami. I choć listoŭ synu pan Rakicki słaŭ šmat i časta, ad vajaki viestak nie prychodziła.
…Kožny dzień Michał Rakicki jedzie ŭ kaścioł prasić u Boha cudu, molicca ab viartańni adzinaha naščadka. Pry ałtary jaho hości i zaśpiejuć.
Razam jany vypraviacca ŭ falvarak Rodzievičy. A śledam tam niečakana źjaviaca kaladoŭščyki, jakija vyrašyli na Kalady paviesialić sumnaha pana.
Kaladnyja pieśni, abrady, šlachieckija konkursy, zabavy stvorać niezabyŭny śviatočny nastroj! U razhar śviata kala bramy falvarka źjaŭlajecca vieršnik. Chto heta: susied-Čaplinski z prahaj pomsty, Sałamon z prystavami? Ale, cud… syn viarnuŭsia!
Jan Rakicki, adčajny rubaka, vyrašaje pravučyć kryŭdzicielaŭ baćki i z haściami adpraŭlajecca ŭ najezd na susieda. Ale Čaplinski taksama nie z bajaźliŭcaŭ, i stralboj pa vierabjach jaho nie spałochaješ.
Koni, sani, pachodni, stralba, šabielnaja bai, pachod na Čaplinskaha — heta toje niamnohaje, što daviadziecca pieražyć haściam.
Ci ŭdasca adnavić spraviadlivaść i adkryć Park minijaciur, całkam budzie zaležać ad udzielnikaŭ prahramy…
Ekskursijnyja aŭtobusy ŭ šlachieckija časy vypraviacca 6 i 13 studzienia. Zapisacca na ŭdzieł u pryhodach možna pa telefonach: (17) 2036970, (29) 6825807, (29) 7727758.
Jašče bolš padrabiaznaściaŭ pra jaskravaje kaladnaje šou — na sajcie «Krainy zamkaŭ».