U sutyknieńni školnaha aŭtobusa ź ciahnikom na poŭdni Francyi zahinuła čaćviora dziaciej
U departamiencie Uschodnija Pireniei na poŭdni Francyi chutkasnaja elektryčka prataraniła školny aŭtobus, paviedamlaje Rejter.
Avaryja adbyłasia na čyhunačnym pierajeździe ŭ rajonie horada Miła kala 530 km na poŭdzień ad Paryža. Pavodle vidavočcaŭ, aŭtobus apynuŭsia na pierajeździe ŭ momant, kali šłahbaŭmy ŭžo byli apuščanyja. Ciahnik ruchaŭsia z chutkaściu 80 km/h, ad udaru aŭtobus razarvała na dźvie častki.
Usiaho ŭ sałonie znachodzilisia 25 dziaciej va ŭzroście ad 13 da 17 hadoŭ. Paviedamlajecca ab hibieli čaćviarych dziaciej. Jašče 19 školnikaŭ byli paranienyja, siamiora ź ich atrymali ciažkija traŭmy. Usie paciarpiełyja špitalizavanyja. Ciažkich paranienych vyvozili čatyrma viertalotami.
Na miescy zdareńnia pracujuć lekary chutkaj dapamohi i ratavalniki. Prefiektura departamienta stvaryła apieratyŭny centr dla kaardynacyi dziejańniaŭ ekstranych słužbaŭ. Dakładnyja abstaviny i pryčyny incydentu vyśviatlajucca.