U Viciebsku pjanaja žančyna vykinuła z 8 paviercha sabaku, bo toj pasikaŭ u kvatery
Žančyna, znachodziačysia ŭ stanie ałkaholnaha apjanieńnia, vykinuła sabaku z bałkona 8 paviercha na vačach u svajoj dački — takoje paviedamleńnie pastupiła 26 listapada ŭ 00:30 u dziažurnuju słužbu Pieršamajskaha RAUS Viciebska.
Na miesca zdareńnia nieadkładna vybyła śledča-apieratyŭnaja hrupa, jakaja vyjaviła kala doma №32 da 2 pa vulicy Čkałava sabaku z prykmietami padzieńnia z vyšyni.
Papiarednie ŭstanoŭlena, što sabaka pražyvała ŭ siamji z červienia 2017 hoda. U momant ździajśnieńnia pravaparušeńnia 35-hadovaja žančyna znachodziłasia ŭ stanie ałkaholnaha apjanieńnia. Hnieŭ haspadyni vyklikała pavodziny sabaki, jakaja pasikała ŭ kvatery. Susiedzi čuli, jak jaje 11-hadovaja dačka kryčała i prasiła nie vykidać sabaku.
Sabranyja materyjały pieradadzienyja ŭ Śledčy kamitet, paviedamlaje viciebskaja milicyja.