Z hetym miakkim duchmianym jabłyčnym piečyvam vosień budzie nie takoj pachmurnaj
Biez hetaha piečyva pa recepcie słavutaj amierykanskaj televiadoŭcy Marty Ściuart u našaj siamji nie abychodzicca ŭžo katoraja vosień. Miakkaje, duchmianaje, jano dadaść utulnaści daždžlivamu viečaru albo padsałodzić pachmurny ranak. Vielmi rekamienduju.
Vam spatrebicca:
- 1 šklanka zvyčajnaj pšaničnaj muki
- 1 šklanka celnaziernievaj muki (kali jaje niama, vaźmicie 2 šklanki zvyčajnaj)
- 1 č.ł. sody
- 1/2 č.ł. muskatnaha arechu
- 1/3 č.ł. hvaździku
- 1/2 č.ł. soli
- 100 h masła
- 2/3 šklanki cukru
- 2 jajki
- 3 st.ł. małaka
- 1 šklanka razynak
- 2-3 jabłyki (možna bolš)
Jak hatavać:
1. Źmiašać abodva vidy muki z sodaj, sollu i prypravami.
2. Asobna ŭźbić miakkaje masła z cukram. Dadać pa adnym jajki, paśla kožnaha dobra ŭźbić. Dadać małako, jašče krychu ŭźbić.
3. Pastupova ŭsypać mučnuju sumieś u maślanuju, dobra pieramiašać.
4. Dadać u ciesta razynki i drobna parezanyja jabłyki, pieramiašać.
5. Ź ciesta dziela bolšaj estetyčnaści prapanujecca skačać nievialikija šaryki, ale jano atrymlivajecca miakkim i davoli lipkim, tamu ja vykładvaju jaho na blachu prosta łyžkaj. Uvaha: ciesta raściakajecca ŭ duchoŭcy, tamu pakidajcie pamiž piečyvam dastatkova miesca.
6. Vypiakać na 180°S 15-20 chvilin.
Hatujcie taksama:
- Košyčki ź jabłykami i šviejcarskaj mierenhaj
- Bliny z syram i zielaninaj
- Aładki ź jabłykami
- Harbuzovy kieks ź jabłykami, žuravinami i arechami
- Dva chutkija VIDEArecepty sałataŭ z rybaj
- Piečyva z žuravinami
- Jabłyčny kieks z syram