Eks-namieśnik ministra pa nadzvyčajnych situacyjach asudžany na 8 hadoŭ turmy
Fota Vadzima Zamiroŭskaha
Były namieśnik ministra pa nadzvyčajnych situacyjach Dźmitryj Biahun asudžany na 8 hadoŭ pazbaŭleńnia voli z kanfiskacyjaj majomaści. Jon pryznany vinavatym u atrymańni chabaru ŭ asabliva bujnym pamiery, piša BiełTA.
Druhi fihurant hučnaj spravy, biznesmen Alaksandr Hryc, budzie adpuščany na volu. Jamu pryznačyli pakarańnie ŭ vyhladzie 5 hadoŭ abmiežavańnia voli biez nakiravańnia ŭ vypraŭlenčuju ŭstanovu, jon budzie znachodzicca pad padpiskaj ab niavyjeździe.
Biahun braŭ chabary nieadnarazova z maja 2013 hoda pa sakavik 2017-ha. U pryvatnaści, na pasadzie načalnika Minskaha haradskoha ŭpraŭleńnia MNS, ciaham 2013—2014 hadoŭ prykładna piać razoŭ jon atrymaŭ ad Hryca ŭ jakaści chabaru hrašovyja srodki ŭ sumie nie mienš za 90 miljonaŭ rubloŭ (da denaminacyi). Havorka išła pra biesprablemnaje pryniaćcie padnačalenymi rabotnikami vykananych rabot i svoječasovaj apłacie pa damovie budaŭničaha padradu pamiž MHU i «RM Hryfrestaŭracyja», zhodna ź jakim vykonvalisia budaŭniča-ramontnyja raboty ŭ pamiaškańni pa adrasie Łahojski trakt, 17a.
Akramia taho, jon braŭ chabar na pasadzie namieśnika ministra pa nadzvyčajnych situacyjach. Viedajučy, što pracy pa vonkavym ŭciapleńni budynka stancyi techabsłuhoŭvańnia aŭtamabilaŭ prypynienyja, daŭ ukazańnie padnačalenamu akazać dapamohu pa biesprablemnym i chutčejšym atrymańni stanoŭčaha zaklučeńnia ekśpiertnaj rady. U vyniku ŭ samyja karotkija terminy byli padrychtavanyja nieabchodnyja dakumienty i praviedziena pasiadžeńnie rady sa stanoŭčym vynikam. Za nazvanyja dziejańni ŭ červieni-žniŭni 2016 hoda Biahun atrymaŭ hrošy ŭ dva pryjomy — usiaho nie mienš za 4 tys.