Fatohraf źniała žančyn u varjackich aksesuarach dla «palapšeńnia źniešniaha vyhladu»
«Vypramlalnik nosa», bandaž suprać padvojnaha padbarodka, maska ad zmorščkaŭ — usia hetaja «industryja charastva» padobnaja da pryład katavańnia časoŭ Siaredniaviečča, i takoha ŭ internecie śviet.
Usie jany zroblenyja dla taho, kab nibyta «pazbavić žančyn ad niedachopaŭ». Bolšaść adkryta nahadvaje razvod. Adnak na što tolki nie iduć niekatoryja ludzi, kab dasiahnuć ideałaŭ pryhažości. Fatohraf z Łatvii Evija Łajvina adšukała ŭ internecie samyja mudrahielistyja beauty-dapamožniki i stvaryła ź imi fotasieryju.
«Majoj metaj było pakazać ludziam, jak daloka my možam zajści ŭ imia pryhažości. Tak šmat ludziej pakutujuć ad nizkaj samaacenki, dumajuć, što jany nie adpaviadajuć niejkim standartam z časopisaŭ. Heta ŭsio vielmi sumna. U svajoj fotasieryi ja pakazvaju tolki paciešny bok hetaha monstra ŭnutry nas», — raspaviała Evija Dailymail.
Alternatyva dla tych, chto nie choča «iści pad nož»: maska, jakaja padciahvaje skuru.
Jašče adna maska.
Vytvorcy hetaj rečy abiacajuć zrabić nos roŭnym.
A heta spatrebicca tym, chto maryć pra idealnyja brovy.
Kab vusny byli, jak u Džali.
Pachodzić na nahavicy ź dzirkami, ale hety srodak «zdolny pieramahčy marščyny».
A heta vypramlalnik nosa.
Bandaž suprać padvojnaha padbarodździa.
Uvilhatnialnik vusnaŭ, zamiena pamady.