Mitrapalit Tadevuš Kandrusievič asudziŭ balšavickuju revalucyju, zaklikaŭ ułady zrabić Dziady vychodnymi
Fota Siarhieja Hudzilina
U kazani padčas uračystaj Imšy viečaram 1 listapada katalicki mitrapalit Tadevuš Kandrusievič nazvaŭ Kastryčnickuju revalucyju ŭ Rasiei, jakaja dahetul adznačajecca jak śviata ŭ Biełarusi 7 listapada, «ekzistencyjalnaj katastrofaj» i zaklikaŭ imknucca da taho, kab zrabić vychodnymi 1 i 2 listapada.
Katalicki ijerarch nahadaŭ, što praź niekalki dzion adbudziecca 100-hadovy jubilej balšavickaj Kastryčnickaj revalucyi — 7 listapada, jakaja adbyłasia ŭ Rasiei, ale pryniesła niečuvanyja pakuty biełaruskamu narodu. 7 listapada dahetul zastajecca ŭ Biełarusi vychodnym dniom.
Akramia malitvaŭ za svaich prodkaŭ mitrapalit zaklikaŭ malicca za tych, chto zabyty, chto nie paśpieŭ naradzić dziaciej, zahinuŭ u Kurapatach, Traściancy, savieckich i nacysckich kancłahierach.
31 kastryčnika arcybiskup Kandrusievič naviedaŭ Kurapaty i maliŭsia ŭ mieście, dzie kamunisty rasstrelvali biełaruskaje mirnaje nasielnictva.