Nakolki stratny telekanał ANT? — ličby
Za dva hady — minus $2,5 miljona.
ANT — adzin z najbujniejšych telekanałaŭ krainy, jon zarehistravany jak ZAT «Druhi nacyjanalny telekanał». Jaho zasnavalniki — Ministerstva infarmacyi, «Biełarusbank» i kampanija «Fabryka infarmacyjnych technałohij».
Paśla sychodu na piensiju Ryhora Kisiala telekanał uznačaliŭ Marat Markaŭ, kolišni top-mieniedžar z BT.
Nakolki efiektyŭna dziejničaje kampanija? U adkrytym dostupie znachodzicca finansavaja spravazdača ANT za papiarednija hady.
U 2015 čystyja straty telekanała skłali 2816000 rubloŭ. Heta amal $1,8 miljona ŭ ekvivalencie pa tahačasnym kursie.
U 2016 hodzie situacyja palepšyłasia, adnak ANT pa-raniejšamu zastavaŭsia stratnym. Telekanał spracavaŭ u minus na 1 023 000 rubloŭ ($515 tysiač u ekvivalencie).
Dadamo, što rentabielnaść realizavanaj pradukcyi, rabot i pasłuh znachodziŭsia na ŭzroŭni -25%.
Pry hetym siaredni zarobak na ANT — a tam pracuje kala 350 čałaviek — vahajecca na ŭzroŭni 1150 rubloŭ.