Na hetym tydni — doždž i mokry śnieh
«Cykłon «Hiervart», centr jakoha siońnia raźmiaščajecca na ŭschodzie Biełarusi, budzie vyznačać nadvorje ŭ našaj krainie jašče i ŭ nastupnyja sutki», — skazali BiełTA ŭ Hidramiecie.
Na bolšaj častcy terytoryi čakajucca karotkačasovyja apadki (mokry śnieh, doždž). Na asobnych učastkach daroh utvorycca hałalodzica. U mnohich rajonach krainy zachavajecca mocny viecier z paryvami da 15—22 m/s.
Tempieratura pavietra na praciahu sutak składzie ad minus 1 da plus 5 hradusaŭ, dniom pa zachadzie Bresckaj i Hrodzienskaj abłaściej pavysicca da +7.
U sieradu taksama buduć apadki, ale viecier ścichnie. Na bolšaj častcy terytoryi krainy projduć apadki ŭ vyhladzie mokraha śniehu i daždžu.
Tempieratura pavietra ŭnačy składzie ad minus 3 da plus 3 hradusaŭ, pry prajaśnieńniach da minus 5. Dniom budzie ad nula da +6, pa zachadzie — da +8.
U čaćvier čarhovaja sistema atmaśfiernych frantoŭ pryniasie novuju porcyju daždžoŭ i bolš ciopłaje pavietra z Zachodniaj Jeŭropy.
Na bolšaj častcy terytoryi krainy projduć karotkačasovyja daždžy, nočču miescami, u asnoŭnym pa ŭschodzie krainy, čakajecca mokry śnieh, słaby hałalod, na darohach hałalodzica.
Tempieratura pavietra ŭnačy składzie ad nula da +6, dniom budzie +6—12. Tolki pa paŭnočnym uschodzie nočču pry prajaśnieńniach pavietra da minus 1-4 hradusaŭ, dniom budzie +2—5.