Šajhu: Stanovišča kala zachodniaj miažy Rasii napružanaje i maje tendencyju da abvastreńnia
TASS
Vajenna-palityčnaje stanovišča la zachodniaj miažy Rasii zastajecca napružanym i maje tendencyju da abvastreńnia, zajaviŭ u piatnicu na pasiadžeńni kalehii Minabarony RF ministr Siarhiej Šajhu, piša TASS.
Pavodle jaho słoŭ, u Prybałtycy i Polščy razhornutyja čatyry šmatnacyjanalnyja bataljonnyja taktyčnyja hrupy NATA ahulnaj kolkaściu da 5 tys. vajskoŭcaŭ. Akramia taho, u Polščy i Hiermanii dysłakujucca braniatankavaja bryhada i bryhada armiejskaj avijacyi Suchaputnych vojskaŭ ZŠA. Taksama ŭ krainach Uschodniaj Jeŭropy viaducca pracy pa razhortvańni elemientaŭ sistemy PRA ZŠA, nahadaŭ Šajhu.
«Rastuć intensiŭnaść i maštaby mierapryjemstvaŭ apieratyŭna-bajavoj padrychtoŭki Uzbrojenych sił krain - členaŭ błoka pablizu našych miežaŭ. Tolki za apošnija try miesiacy na terytoryi Uschodniaj Jeŭropy i Bałtyi prajšło bolš za 30 vučeńniaŭ», - dadaŭ ministr.
Vojski Zachodniaj vajennaj akruhi da kanca 2017 hoda atrymajuć bolš za 1,8 tys. adzinak novaj i madernizavanaj techniki, paviedamiŭ ministr abarony.
«Vialikaja ŭvaha nadajecca zabieśpiačeńniu vojskaŭ sučasnym uzbrajeńniem, vajennaj i śpiecyjalnaj technikaj. Da kanca hoda jany atrymajuć bolš za 1,8 tys. adzinak novaj i madernizavanaj techniki, pastaŭki jakoj sinchranizavanyja z budaŭnictvam infrastruktury dla jaje zachoŭvańnia i absłuhoŭvańnia», - skazaŭ jon.