«Krambambula» daść navahodni kancert u Minsku
21 śniežnia hurt «Krambambula» vystupić u Prime Hall z prahramaj «Partyzany kaladnaha lesu». Hledačoŭ čakajuć najlepšyja pieśni hurta, kanceptualnaje sceničnaje šou i kiłatony navahodniaha nastroju.
— U kožnym kaladnym lesie jość svaje partyzany. Jany dapamahajuć śviatomu Mikałaju: achoŭvajuć jełki i zajcoŭ, sočać, kab nichto nie sapsavaŭ dobrym ludziam śviata. Prapanujem pryjadnacca da našaha viasiołaha patrula i praśpiavać razam paru dziasiatkaŭ piesień, — kažuć muzyki.
Hurt «Krambambula» byŭ zasnavany ŭ 2002 hodzie. Sučasny skład: Lavon Volski (vakał, hitara), Pavieł Trypuć (vakał, hitara), Pavieł Arakielan (vakał, saksafon), Andrej Jakubčyk (vakał, truba), Aleś-Francišak Myškievič (vakał, bas-hitara), Pavieł Mamonaŭ (bubny).
Start prodažu kvitkoŭ — u sieradu, 25 kastryčnika, u 12:00 na sajcie i ŭ kasach Kvitki.by, a taksama na sajcie Primehall.by i ŭ kasach kłuba. Košt kvitkoŭ: tancplac (pieršyja 200) — 35 rub., tancplac (astatnija) — 40 rub., siadziačyja — ad 42 rub. Infalinija: +375 (33) 661-14-32.