Iran paćvierdziŭ svaju prychilnaść jadziernamu pahadnieńniu
Viarchoŭny lidar Irana ajatała Ali Chamieniei u sieradu paćvierdziŭ prychilnaść svajoj krainy jadziernamu pahadnieńniu. Iran vyjdzie z pahadnieńnia tolki ŭ tym vypadku, kali ZŠA «razarvie» jaho, zajaviŭ kiraŭnik krainy ŭ vystupie pa dziaržaŭnym telebačańni, paviedamlaje DW.
Ali Chamieniei abvinavaciŭ prezidenta ZŠA Donalda Trampa ŭ praviadzieńni varožaj palityki ŭ dačynieńni da Irana. Na dumku iranskaha lidara, heta źviazana z pravałam amierykanskaj palityki ŭ Siryi, Iraku i Livanie. Jon nazvaŭ «pustoj trataj času reahavać na tryźnieńnie vulharnaha amierykanskaha prezidenta».
Kiraŭnik iranskaj dziaržavy zaklikaŭ jeŭrapiejskich palitykaŭ nie iści ŭ farvatary «žachlivaj palityki» amierykanskaha prezidenta. Chamieniei nazvaŭ niedapuščalnym źniešniaje ŭmiašańnie ŭ raźvićcio iranskaj rakietnaj prahramy i palityku Irana ŭ rehijonie.