Sud pryznaŭ niekanstytucyjnym refierendum u Katałonii
Kanstytucyjny sud Ispanii aficyjna pryznaŭ, što sprečny refierendum ab niezaležnaści Katałonii źjaŭlajecca nielehitymnym, bo rehijanalny zakon adnosna plebiscytu supiarečyć Kanstytucyi krainy, paviedamlaje The Independent.
U pačatku vieraśnia Katałonski rehijanalny parłamient pryniaŭ tak zvany «zakon ab refierendumie adnosna nacyjanalnaha samavyznačeńnia». Paśla hetaha Kanstytucyjny sud Ispanii časova prypyniŭ dziejańnie zakona, pakul sudździ aceńvali piarečańni ispanskaha ŭrada. U siońniašnim rašeńni sud zajaviŭ, što zakon supiarečyć nacyjanalnamu suvierenitetu i «nieparyŭnamu adzinstvu ispanskaj nacyi».
Sud adznačyŭ, što parłamienckaja siesija, jakaja zaćvierdziła zakon, taksama była niezakonnaj. Pres-sakratar urada Katałonii Žordzi Turul skazaŭ, što jon nie ździŭleny takomu rašeńniu.
«My sutykajemsia z vykanaŭčaj uładaj u dziaržavie, jakaja vykarystoŭvaje jurydyčnuju halinu, kab zabłakavać zakanadaŭčuju», — prakamientavaŭ sudovaje rašeńnie Turul.