U Rečycy dvuch mužčyn zavaliła piaskom u tranšei
Subotnim viečaram u Rečycy ŭ dvary pryvatnaha doma padčas budaŭničych rabot (kapali jamu pad padmurak) zasypała piaskom dvuch čałaviek. Ratavalnikam daviałosia vyzvalać mužčyn z-pad zavału. Pra heta tut.by paviedamiła aficyjny pradstaŭnik Homielskaha abłasnoha ŭpraŭleńnia MNS Maryja Klazovič.
Da miesca zdareńnia byli ckiravanyja šeść adzinak techniki i 17 ratavalnikaŭ. Pa prybyćci vyratavalnikaŭ da miesca vykliku było vyśvietlena, što haspadar 1980 hoda naradžeńnia i hramadzianin 1996 hoda naradžeńnia na padvorku kapali tranšeju hłybinioj kala dvuch mietraŭ pad padmurak. Ścieny tranšei ŭmacavanyja nie byli, u vyniku adbyłosia absypańnie hruntu i ludzi apynulisia pa hrudzi ŭ piasku.
Rabotniki MNS z dapamohaj rydlovak z-pad piasku vyniali adnaho z mužčyn, paśla čaho z dapamohaj ratavalnych viarovak i nasiłak uźniali na pavierchniu i pieradali rabotnikam «chutkaj dapamohi». Budaŭniku byŭ pastaŭleny papiaredni dyjahnaz «Pierałom siadališčnaj kostki sprava», tamu jon byŭ špitalizavany.
Stan vyniataha z-pad piasku haspadara vyjaviŭsia zdavalniajučym, tamu jon ad špitalizacyi admoviŭsia.