Łukašenka pieradaŭ spačuvańni maci Alaksandra Koržyča, jaki zahinuŭ u Piečach
Na dziasiaty dzień paśla hibieli Alaksandra jaho maci, Śviatłanie Koržyč, patelefanavała pres-sakratar kiraŭnika dziaržavy Natalla Ejsmant. Jana pieradała spačuvańni prezidenta i paviedamiła, što sprava znachodzicca na asabistym kantroli Alaksandra Łukašenki i što buduć pryniatyja ŭsie miery dla pakarańnia vinavatych, paviedamlaje tut.by.
Radavoha Alaksandra Koržyča 3 kastryčnika znajšli niežyvym ŭ padvale vajskovaj čaści ŭ Piečach — Koržyč visieŭ na bručnym ramiani, jaki macavaŭsia da armatury pad stollu. Nohi byli pieraviazanyja šnurkom ad abutku, na hałavu naciahnuta majka.
Pa fakcie hibieli sałdata raspačataja kryminalnaja sprava, zatrymanyja praparščyk i dva siaržanty toj vajskovaj čaści, piać čałaviek adchilenyja ad pasadaŭ.